بصراحة فاش كانشوف فحال هاذ شي أول حاجة كانفكر فيها هي نخوي هاذ البلاد ، حيت بقات فيها غير سمية وصافي ، دولة إسلامية والإقتصاد ديالها معتمد 90% على الفساد ، فاش كانشوف في فرنسا و ألمانيا فحال هادشي كايجيني عادي حيت ثقافتهم هديك ولكن ماكايفردوش عليك تشوفو فقناة عمومية ولا فالشارع وزيد على هادشي هما عاطين الحقوق للناس ديالهم كلشي عندهم مزيان الطبيب مزيان التعليم الرياضة البنيات التحتية الطرقان و زيد وزيد ....
حنا مقودة علينا بالعربية وكانخدو منهم غير داكشي الخايب أما ناخدو شي حاجة لي تفيدنا لا ، زعمة نفكرو نصنعو شي حاجة ولا نخترعو شي حاجة والو ، العام لي جا يلقانا ها موازين ها المهرجان ديال الشطيح ودابا ولاو كايفرضو عليك تشوف هاذي قدام الفامليا ديالك فوقت أنا شحال كنا ماكانقدروش نشوفو حتا 2 كايتباوسو وفالبرد يقولك علاش ماطاحتش الشتا وعاد تجيهم صلاة الاستسقاء ، لمهم باش ماطولش وخا هاذ الموضوع خاصو نهار ومانسليش، أنا ماشي ضد التقدم ولا الحذاثة ، أنا ولا نتا و لا أي واحد فينا غادي يبغي يشوف فحال هاذ التصاور ديال بنات عريانات وعطا الله فين تشوف هادشي و كثر كاع وهاذي غادي ديال ربي حنا ماشي روبو ولا مصنوعين من الحجر ولكن باش نبقاو نشوفوه فدوزيم لي هي قناة وطنية وفهاذ موازين وفشهر رمضان يديرو تجويد القران وينقلو صلاة الجمعة راه هاذشي لي كايحمق بنادم، المهم الكلام الطويل وماغاديش يسالي وسمحولي إلا هدرت قاصح شويا أنا نشاء الله غادي نبقا ندير فيدو باش نسمع صوتي ونوصلو لهاذ الحكومة الناعسة ولا بقا هادشي ومادرنا والو كونو متيقنين بالي ف 2020 ولا 2024 غادي نبقاو نشوفو لي غادي ينوضو الفتنة لي عاذي تخرج على هاذ البلاد فخطرا فحال لي واقع فمصر دابا.
علي بابا
